Rhagor o wybodaeth
Yn ddiweddar, cawsoch lythyr yn y post yn eich gwahodd chi a hyd at ddau oedolyn arall yn eich cartref sy’n 16 oed neu’n hŷn i gymryd rhan mewn arolwg ar gyfer “Cyllid a Thollau EF” (CThEF). Sylwer – nid oes rhaid i chi fod yn drethdalwr er mwyn cymryd rhan yn yr ymchwil hon.
Mae’r arolwg hwn yn cael ei gynnal ar ran CThEF gan Verian, asiantaeth ymchwil annibynnol.
Bydd yr arolwg hwn yn holi am eich profiad o ddelio â CThEF a bydd y canfyddiadau’n helpu CThEF i wella ansawdd y gwasanaeth mae’n ei ddarparu, ac i ddeall anghenion ei gwsmeriaid yn well.
Mae rhagor o wybodaeth am yr arolwg ar gael yma.
Mae rhagor o wybodaeth am CThEF a Verian isod:
Cyllid a Thollau EF
Mae CThEF yn gyfrifol am gasglu trethi, gan gynnwys treth incwm a chyfraniadau Yswiriant Gwladol, yn ogystal ag am dalu credydau treth a budd-daliadau plant. Mae rhagor o wybodaeth am CThEF ar gael ar ei wefan yma. Mae CThEF wedi comisiynu Verian i gynnal yr arolwg blynyddol hwn i ddeall ac olrhain newidiadau ym marn y cyhoedd tuag at CThEF a’r gwasanaeth mae’n ei ddarparu dros amser.
Verian
Mae Verian yn asiantaeth ymchwil sy’n cynnal ymchwil ar gyfer cleientiaid mewn llywodraeth, y sector cyhoeddus, elusennau a busnesau. Gallwch ddod o hyd i gofnod Verian ar wefan Tŷ’r Cwmnïau yma a gallwch ddysgu rhagor am Verian yma.
